Shillong, Naitung 15 : U bah Vivek Syiem Superintendent Police (City) jong ka nongbah Shillong, u la ïathuh ba mynta ka sngi ki pulit ki la ïoh pdiang ïa kawei ka ejahar na ka liang jong u bah Charlie Rani President ka United Hynniewtrep Movement (UHM) ba kila don ki briew palat phew ngut kiba la wan thombor ïa u ha ïing sah ha Mawlai Mawdatbaki.
U SP (City) u la ïathuh ba kane ka la jia mynta ka sngi ha ka por mynstep bad ha kane ka jingjia u bah Charlie u la mynsaw jur bad la pynkit ïa u sha Civil Hospital Shillong ban ïoh ia ka jingsumar..
Halor katei ka ejahar ki pulit kila rejister case bad ki la sdang ban tohkit ban lap ïa kiba don kti ha kane ka kam rumar ban leit ban shoh ïa u tei u rangbah ha ïing sah jong u ha Mawlai Mawdatbaki .
