Shillong, Naitung 15: Ka khubor ba la ïoh na ki pulit la ïathuh ba u Bah Khraw Pyrkhat Lyngdoh jong ka Bank of Baroda, Lama Villa Branch, Shillong u la phah ka jingujor ba kawei ka briew kaba la ai kyrteng da ka Shisha Mary Kharbani ka la shim ïa ka ram thied kali kaba T. 13.7 lak na katei ka bank hynrei ka khlem shym la lah ban siew pat ïa katei ka ram kaba la kot kumba T. 13,06,652/-.
Ha kawei pat ka jingjia ki pulit ki la ïathuh ba uwei na ki nongshong shnong ka Eastern West Khasi Hills u la phah ka jingujor ba ha ka 8 tarik mynta u bnai, da ka jingbakla u la download ïa ka App kaba um tip bad u la ai lut ïa ki jingtip kiba bniah jong u, ha kaba kane ka la lam shah ka jingshah sei tuh kaba 2 sien ka pisa kaba la kot sha ka T. 1,88,042/- kaba u la shah sei napoh ka bank account bad kaba la pyndap pat sha ka West Bengal State Electricity.
