Nongpoh, Jylliew 13: Uwei u rangbah briew u la duh noh ïa la ka jingim, kaba dei hadien ba u la shah rong noh ha ka umsaw hadien ka jingjur slap kaba la jia hynnin ka janmiet ha Nongpoh, kaba dei hadien ba u la hap ha katei ka wah rit na ka daw ka jingjur palat jong u lap bah.
Kumba la ioh lum jingtip la ong ba kane ka jingjia ka la jia ha ka por 9 shiteng hynnin ka janmiet ha kaba la ong ba utei u rangbah u la hap ha katei ka wah ba ka umsaw ka la rong noh ïa u haduh ba u la duh noh ïa la ka jingim.
La ong ruh ba une u rangbah u la don ha ka rta kaba 40 snem bad u dei u nongshong shnong ka shnong Umlyngkdait ha ka thaiñ Nongpoh.
Ka tyllong khubor ka ïathuh ruh ba utei u rangbah katba u dang rieh slap ha kawei ka dukan kaba don mar jan bad katei ka wah, u la btuid ki kjat katba u dang ïaleh ban rieh slap bad u la hap ha katei ka wah bad namar jingjur jong u slap ka la pynlong ïa katei ka wah rit ba kan khlaiñ bad rong ïa utei u rangbah haduh ba ym lap shuh.
La ong ruh dei hadien katto katne kynta ba la ïa wad da ki briew shnong ha kapor 12 baje shiteng synñia la lap noh ïa ka met jong utei u rangbah ha kaba la rah noh sha Civil Hospital Nongpoh ban pyndep ïa ka Postmortem Examination.
