Tura, Lber 25 : Ka ïing Bishar POCSO ka la rai pynrem ïa u pulit ophisar uba dei mynshwa u OC jongka Ampati u Nurul Islam namar u leh beijot ïa ki arngut shipara ha u 2013 ha South West Garo Hills.
ïa une u OC la ujor ejahar da u kpa jong kine ki arngut ki khynnah bad hadien kane la pynkynriah ïa ka jingujor sha East Khasi Hills namar la kynnoh ba une u ophisar u dei uba biang bha kiba heh ba haiñ bad ïarap ïa u.
Une u pulit ophisar u la leh beijot lai sien ïa kine ki khynnah hapoh Police Station hadien ba u la kem bad set ïa ki lai ngut ki khynnah kynthei. U la leh beijot shwa ïa kaba 14 snem ka rta hapoh Police Station ha ka 13 tarik Lber bad kaba ar ha ka 14 Lber 2013 hadien kane u la leh beijot sa ïa ka hymmen kaba 17 snem ka rta ha ka 31 tarik Lber 2013.
Hadien ba ka ïing bishar kala bishar bniah bad lap ba u leh ïa ka kam ba ka sa rai pynrem ïa u da kaba yn set phatok ïa u.
