Jowai, Jylliew 30: Katkum ka kyrwoh khubor ba la phah da ka ophis u Superintendent of Police ka West Jaiñtia Hills District la pyntip ba ka ïing bishar ba don burom mynta ka sngi 28 tarik u Naitung kala rai pynrem ïa ki lai ngut ki runar kiba donkti haka kam pynïap briew da kaba set patok shi jingim ïa ki ha ryngkat ka kuna kaba mar 15 hajar tyngka katkum ka kyndon Sec. 302 IPC.
Ïa kitei ki runar ba la shah rai pynrem la tip kyrteng kum u Mulo Rakait, u Ioolang Rakait bad u Thum Rakait, kiba la shim ïa ka jingim jong u (L) Salong Rakait ka kaba la jia ha ka 10.07.2006 katkum ka jingujor ba la ïoh lum da ki pulit ka Nartiang PIC haka 11.07.2006 bad ïa katei ka kes la register ha Jowai PS.
Sa kawei pat ka kes ba la ujor ejahar ha Jowai PS ha ka 12.02.2020 uwei u briew ba la tip kyrteng u Koran Kharmawlong ula leit pynjulor ïa ki tiar ki tar hapoh kawei ka ïing briew bad hadien ba la dep leh ïa katei ka kam ula pheh na katei ka jaka, ki pulit hadien ba la ïoh ka jingujor kila register kes ïa kane kam runar.
Na ka liang ka ïing khashariba don burom ha kane ka 26.07.2022 kala rai pynrem ïa syndon ïa utei u briew katkum ka kyndon 447/427/436 IPC da kaba set patok sa kumba (5) snem ar (2) bnai nalor uba la don lypa hapoh patok la shi snem shiphew bnai.