Nongpoh,Nailur 11 : Mynta ka Sngi U Blei kawei ka samla lud ka la shah rahbor ha uwei u nongñiah Auto Rickshaw ha Nongpoh katba ka dang mut ban leit phai sha la ïing hadien ba la wai jingïaseng hynrei donbok ba ka la ïoh phet bad lait na kano kano ka jingjia ba sngewsih na ka jingthmu ba sniew utei u nongñiah Auto bad ki arngut ki paralok jongu.
Kat kum ka khubor pulit ba la ïoh la ïathuh ba kane ka jingjia ka la jia ha ka por 5 baje ei ei janmiet. Ha kane ka por kane ka samla lud ka dang wan phai na jingïaseng bad mut ban leit sha la ïing bad kiew da katei ka Auto Rickshaw hynrei haba la poi ha ka jaka ba dei ban hiar utei u nongñiah u khlem pynsangeh ïaka Auto Rickshaw bad u ñiah pynsted pynban. Hadien kane u la kyntiew sa ïa arngut ki paralok shynrang jongu da ka jignmut ban rahbor beit ïa kane ka samla lud.
Donbok ba kane ka samla lud ka la ïoh ban phet bak bad phone ïa kiba haïing bad mar mar ki la ïa wan wad ïa ka bad thwet ïa katei ka Auto Rickshaw. Hadien bala lap ïa katei ka Auto bad ïa u nongñiah la sei ïa u nongñiah bad la ai jingsneng ïa u da ki paidbhur shwa ban aiti sha ki pulit.Kitei ki paralok jongu pat la ïathuh ba ki la phet rieh bad hadien ba la ïoh jingtip da ki pulit ki la thwet jur ïaki bad ïoh ban kem ïa baroh arngut. Kine ki arngut ruh ki dei kiba dang rit ka rta lait noh tang u nongñiah uba la heh ka rta.
Na ka liang ki pulit jongka Women Police Station, Ri Bhoi ki dang pynlong ka jingtohkit halor kane ka jignjia khnang ban leh kat kum ki lynti ka aiñ POCSO Act.
