Nongpoh, Rymphang 11: U Saikat Majumdar u ba dei u Assistant Professor jong ka tnad Rural Development ka skulbah USTM u la shah pynkup burom da ka khusnam Young Scientist Award haka International Conference on Modern Agriculture and Allied Sciences, 2025 halor ka jingnoh synñiang jong u haka tnad Agronomy.
Ïa kane ka jingïalang pynkup burom kaba heh la pynlong da ka Uttar Banga Krishi Viswavidyalaya (UBKV), Cooch Behar, ryngkat ka Department of Agricultural Engineering, Rajiv Gandhi University, Arunachal Pradesh, bad ka Society for Agriculture, Allied Sciences and Technology ryngkat ka jingsnohkti lang jong ki skulbah ba paw ba kynthup ïaka University of Maryland, USA, Shantou University, China, IIT Kharagpur, West Bengal University of Animal & Fishery Sciences (WBUAFS), Kolkata, GFSRD India, bad ka School of Agriculture, SR University, Warangal.
Naka liang ka skulbah USTM kala pynpaw ka jingsngewsarong halor ka nam bad ka burom bala iohpdiang da une u nonghikai katei ka skulbah kaba la pyni ba kane ka jingithuh bad ka jingshah pynkup burom ka dei ka jingkhlaiñ jong katei lka skulbah ha kaba ïadei bad ki jingwad bñiah (Research) khamtam ha kaba ïadei bad ka jingeh haka rep ka riang bad ka jingim ki nongkyndong.
Lyngba kane ka jingiohpdiang utei u nonghikai ïa katei ka khusnam kan dang rah ïaka burom jong katei ka skulbah khamtam ban wanrah ruh ki jingkylla haka imlang ka sahlang.
