Shillong, Jylliew 06: Ha ka 3 tarik mynta u bnai ha ka por 6.30 baje janmied, katba dang pynlong ïa ka jingtalasi, ki pulit ki la ïoh ban khang kdong ïa kawei ka kali Alto kaba don u nombar ML-12-2868 ha ryngkat bad arngut kiba shong hapoh ka kali kiba kyrteng u Pynshai Kharwaniang ba la 40 snem ka rta bad u Teilang L Nonglait ba la 35 snem ka rta bad na ki, ki la ïoh ban kurup ïa 0.19 grams u jingdih ba la suba ba u dei u drok na u Pynshai Kharwaniang ba la 40 snem ka rta bad kumba 2.09 grams u suba drok bad 100.73 grams u jingdih ba la suba ba u dei u Marijuana na katei ka kali bad haba ïadei bad kane na ka liang ki pulit ki la bat noh ïa kitei ki briew ba la shah kynnoh donkti halor kane ka kam.
