Shillong, Nailur, 18: Ka Kynhun ki Pulit Anti-Narcotic Task Force (ANTF) jong ka East Khasi Hills District kiba la ïoh ïa ka jingtip kaba bniah na ki tnat syntiat ha ka sngi Saitjaiñ ki la pynlong ka jingap ktem ha surok GS Road, Bara Bazar.
Ha kane ka jingap ktem ki la ïoh bat ïa arngut ki snar khaii drok shynrang kiba dang ha ka rta kaba 29 snem bad 30 snem.
Ha ka jingtalasi, na ka met jong kine ki arngut ki Pulit ki la ïoh kurup haduh 41.85 gram u drok Heroin, 8 tylli ki tyndong, kawei ka mobile phone bad kawei ka ATM Card.
Ïa kine ki arngut ki Pulit ki la pynngat hapoh ki kyndon aiñ jong ka NDPS Act.
