Shillong, Lber 28: Palat 30 ngut ki briew ki la shah kem hadien ka jingkulmar kaba la jia ha Garo Hills na ka daw jong ka jingwan thep kyrteng ki ar ngut ki bar jylla ki bym dei ki riew lum kiba thmu ban ïakhun election MDC.
Katkum ka jingïathuh u heh pulit ophisar u la ong ba la pyntip sha kiba ha ïing ha sem jong kine briew kiba la shah kem halor ka jingshah kem jong ki.
Shuh shuh une u heh pulit u la pyntip ba ïa kitei kiba shah kynnoh ki shah set ha ki phatok bapher bapher jong ka jylla.
Hapdeng kine ki jingshah kem, la ujor ejahar pyrshah ïa ka nongtrei kam paidbah ka Jaynie Sangma da uwei pat u nongtrei mon sngewbha ha ka imlang sahlang u Greneth Sangma.
Ï a kane ka ejahar la ujor pyrshah ïa ka Jaynie namar ba ka la pynmih ïa ki jingtip ba rieh kiba long kiba donkam ne ka confidential information.
