Shillong, Naitung 16: 2 ngut ki dkhot Anti-Corruption Foundation of India (ACFI) kila shah kem haka miet 16 tarik mynta u bnai, na Rajabala hadien ka jingshah kynnoh ba ki donkti ban dawa pisa, byrngem bad thmu shoh ïa trai dukan sam marban Fair Price Shop (FPS).
Kine kiba shah kem ki kynthup u Billal Sk khun jong u Abed Ali, bad Abdul Rup Choudhury khun jong u Amzad Ali naka shnong Haripur kaba hap hapoh ka Rajabala Police Station.
La iathuh ba ïa kine 2 ngut la kem hadien bala ïoh pdiang ïa ka ejahar daki lanot.
La ïathuh ba kine 2 ngut ki dei kiba la shah kem teng namar ka jingdonkti jong ki ïa kum kine ki kam bymman bad mynta ki dang shu lait jamin.
