Nongpoh, Ïaïong 10: Kumba 2 ngut ki briew ki la shah kem hadien ka jingshim kabu ban leit pom dieng ha Lumpongdeng Island katba katei ka mat ka dang khluid hadien ka jingpyrshah jong ka Green Tech Foundation ban wanrah ïa ka project ban tei ïa ka 5-star Resort ha Umiam ba kynthup ruh ha dewlynnong Lumpongdeng, ïa kane la pyntip da u Bah Ban Nongkynrih Tourism Officer ka Ri-Bhoi District.
Haba kren sha ki lad pathai khubor mynta ka sngi naka liang u Bah Ban Nongkynrih u la ïathuh ha kaba ïadei bad ka jingsaphriang jong ka khubor pom dieng ha Lumpongdeng na ka liang ka tnad Tourism ka la ïoh ka jingujor halor ka jingdon ki briew kiba la wan pom dieng ha katei ka dewlynnong bad mar mar la phah pulit sha katei ka jaka bad la ïoh kem ar ngut ki briew bad na ka liang ka tnad Forest kan sa leit ban tohkit bad ban leit peit ïa katei ka jaka.
