Nongpoh, Jylliew 08: Hadien ba la kut noh ka samoi treikam jong ka shnong Umroi Nongrah, ka Dorbar Shnong Umroi Nongrah ha ka 14 tarik u Jymmang ka la pynlong da ka Dorbar Shnong ban pynthymmai biang ïa u rangbah shnong bad hapdeng ka jingjied lyngba ka election ki paidbah ha kane ka kynti ki la ibit ba ai ïa ka lyngkor ïa u Samla Baïateilang Lapang kum u Rangbah Shnong ba thymmai ka Shnong Umroi Nongrah.
Ha katei ka sngi, na ka liang ka Shnong ka la jied ruh kiwei ki nongïalam ba kynthup ïa u Chairman ba la jied ïa u Bah Balam Shadap, Secretary Shnong, D.M Swer, Assistant Secretary, George Jyrwa, Treasurer, K.L Nonglait, Finance Secretary, K. Marbaniang, Adviser, A.S Roy Malai bad kynthup kiwei kiwei ki dkhot ka executive Committee.
Ha kane ka sngi, ki nongmihkhmat na ka Hima Mylliem ba kynthup ïa ki Myntri ba pynïaid ïa kane ka jingïalang jied rangbah shnong, hadien ba la u Samla Baïateilang Lapang u la shah jied kum u Rangbah Shnong ba thymmai ka Umroi, Nongrah ki la pynkhamti ruh ïa ka Syrnot ïa u Samla Baïateilang Lapang ba un long u rangbah shnong ba pura ka Shnogn Umroi Nongrah.
