Shah jied u heprit Alvin Eshaan Khyriem ban mihkhmat ïa ka Jamshedpur FC ha ka Elite Youth League

Shillong, Nohprah 12 : Ka long ka burom bad ka jingsngewsarong ïa ka jylla hi baroh kawei ha kaba u heprit Alvin Eshaan Khyriem uba dang ha ka rta ba 14 snem u la shah jied ban mihkhmat ïa ka kynhun ïalehkai U-17 jong ka Jamshedpur FC ha ka lympung ïalehkai Elite Youth League ba pynïaid da ka AIFF.
U heprit Alvin Eshaan Khyriem uba ba shong ba sah ha Pohktieh, Shillong haduh mynta u dang neh ka kontrak bad ka Don Bosco Football, Academy, Vaduthala, Kochi, Kerela, u la shah jied ban ïoh rung sha ka TATA Football Academy (TFA), Jamshedpur ha kaba ki don haduh 650 ngut ki heprit kiba ïakhun ha ka jingpyrshang ban ïoh rung bad ka TFA, Jamshedpur.
Bad udei uwei napdeng ki 20 ngut uba la shah jied na bynta saw snem ha ryngkat ka jingïoh scolarship. Mynta un sa mihkhmat ïa ka Jamshedpur FC ha ka kyrdan ïalehkai ki U-17 ha ka lympung ïalehkai ba pynïaid da ka AIFF ka Elite Youth League kaban sa pynïalehkai ha Imphal naduh ka 22 tarik Nohprah 2022.