Shillong, Nailur 17 : Ka Meghalaya Chess Association (MCA) ka pynpaw ka jingsngew sarong halor ka jingshah jied jong u President ka Synjuk u Bah KM Warjri ban don bynta lang ha kaban peit ïa ka jingkiew kane ka jingïalehkai ha kiwei pat ki bynta jong ka ri ïa kaba la rai ha ka General Body Meeting jong ka All India Chess Federation kaba long ha ka 12tarik Nailur ha New Delhi.
Ki kam kiba la bynshet ha u Bah KM Warjri ki long kum u Chairman jong ka Committee for Chess Development ha North East bad kumjuh ha Andaman & Nicobar Islands bad ruh kum u dkhot ka Advisory Committee jong ka All India Chess Federation.
Kane ka long katkum ka kyrwoh ba la phah da u General Secretary ka MCA, Shillong, Bah K Pajat.
