Shillong, Nailar 12 : Hadien ba ki la lah ban ïalehkai bha ha ka samoi ba la dep, lai ngut ki nongïalehkai kriket ka jylla kata na ka Meghalaya Cricket Association ki la shah jied ban mihkhmat ïa ka North East Zone ha ka lympung ïalehkai ba pawnam jong ka BCCI ka Duleep Trophy 2025-26.
Haba pynbna hynne ka sngi la pyntip ba kine ki kynthup ïa u rangtied Arpit Bhatewara, rang kawang bol (fast bowler) Akash Kumar Choudhary bad u rang kawang bol left-arm orthodox spinner Aryan Borah. Kine ki lai ngut ki rangïalehkai na Meghalaya in don lang ha ka thup jong ki 15 ngut ki rangïalehkai jong ka kynhun.
U Akash uba la don lang bad ka kynhun ha ka samoi ba la dep u la shah jied ruh ban ïarap ïa ka kynhun kum u vice captain.
Ïa kine ki rangïalehkai la jied da ka North East Zonal Selection Committee kaba la kynduh lang Guwahati ha kane ka sngi Nyngkong. Ïa kane ka lympung ïalehkai Duleep Trophy 2025-26 yn sa pynlong ha Bengaluru naduh ka 28tarik u Nailar haduh ka 15tarik Nailar. Ha ka North East Zone ki kynthup ïa ki rangïalehkai na Arunachal Pradesh, Manipur, Meghalaya, Mizoram, Nagaland bad Sikkim.
ka jingjied ïa ki nongïalehkai ka long da ka thong ban ïoh ïa ka kynhun kaba biang tarajur ha baroh ki liang la ka long naduh ki rangtied, ki nongkawang bol haduh ki nongap bol. Ïa kine ki nongïalehkai la jied da kaba bishar na ka jinglah jong ki ban ïalehkai bha ha ki lympung ïalehkai jong ka BCCI kiba la pynlong ha u snem 2024-25.
Nalor kine ki 15ngut ba don ha ka kynhun la jied ruh ïa ki 7 ngut ki rangïalehkai pynap kynthup ïa uwei na Meghalaya u Dippu Sangma.
Ha kajuh ka por u trainer jong ka kynhun ialehkai ka Meghalaya u Vikash Singh Chauhan u la shah jied kum u nongïarap jong ka North East Zone na bynta kane ka lympung.
La pyntip ruh ba kan don ka jingïakhun kilan met ha Dimapur kaban pynlong da ka Nagaland Cricket Association naduh ka 18tarik Nailar haduh 24 tarik Nailar 2025. Ka kynhun kan mih pat na Dimapur ban leit shabBengaluru ha ka 25tarik Nailar 2025. La ïathuh ba ïa ka jinglut na bynta kane ka prokram yn sei bad pyndap lang da ki hynriew tylli ki jylla jong ka thain shatei lam-mihngi jongngi.
Kane ka kynhun ka kynthup ïa u : Techi Doria (Arunachal), Yumnam Karnajit (Manipur), Sedezhalie Rupero (Nagaland), Ashish Thapa (Sikkim), Hem Bahadur Chetri (Nagaland), Jehu Anderson (Mizoram), Arpit Subash Bhatewara (Meghalaya), Pheiroijam Jotin Singh (Manipur), Palzor Tamang (Sikkim), Jonathan Rongsen (C) (Nagaland), Ankur Malik (Sikkim), Akash Kumar Choudhary (VC) (Meghalaya), Bishworjit Singh Konthoujam (Manipur), Aryan Borah (Meghalaya) bad u Lamabam Ajay Singh (Manipur)
Ki nongïalehkai pynap pat ki kynthup ïa u :
Kamsha Yangfo (Arunachal), Rajkumar Rex Singh (Manipur), Bobby Zothansanga (Mizoram), Dippu Sangma (Meghalaya), Pukhrambam Prafullomani Singh (Manipur), Lee Yong Lepcha (Sikkim) bad u Imliwati Lemtur (Nagaland)
Ki support staff pat ki kynthup ïa u coach ka kynhun u Anant Rangarao (Arunachal), Assistant Coach – Sonam Palden Bhutia (Sikkim), Physio – Mowalong Kichu (Nagaland),Trainer – Vikash Singh Chauhan (Meghalaya), Masseur – Ngangbam Maheshkumar Singh (Manipur),Manager – Raj Kumar Jaishi (Mizoram) bad ïa u Performance Analyst – yn sa jied da ka Board of Control for Cricket in India.
