Shillong, Jylliew 8: Kat kum ka jingpyntip jong ki pulit lyngba ka website jong ki ba ha ka 5/6/2025 haka por kumba 3.30 baje mynstep ki briew kiba ym lah ban tip kila pyrshang ban tuh na ïing u bah Ioanis Lyngdoh ha Mawlai Nongknwar, Shillong.
Ki khun shynrang jongu ar ngut, u bah Wallamkupar Warjri 31 snem bad u bah Mebanrapbor Warjri 29 snem kila pyrshang ban kem ïa ki hynrei u wei na ki nonglute u la dung ïa u wei na ki bad phet na katei ka jaka.
Ha kane ka jingïabeh la ïoh ban bat ïa uwei u bala wan lang ha katei ka jingwan lute u bala tip kyrteng kum u Debarlang Kharmusulman bad la ïoh ban bat ruh ïa ka kali Taxi Kamai kaba don ia u number ML-06-5732.
ïa u khun jong u bah Ioanis Lyngdoh bala mynsaw na ka jingshah dung la pynkit sha Dr. H Robert Gordon Hospital, Shillong ban ïoh ïa ka jingsmar katba ïa u nonglute ba la mynsaw ha katei ka jingleit lute ka kit sha Civil Hospital Shillong ban sumar.
