Shillong, Rymphang 16: Ka khubor ba la ïoh na ki pulit la ïathuh ba uwei u nongshong shnong ka West Khasi Hills u la ïohpdiang bun ki jingshah phone ha u bnai Kyllalyngkot, 2024, ha kaba uba phone u la byrngem ïa u, ïa uba shipara bad kumjuh ruh ïa u paralok jong u.
Ha kawei pat ka jingjia, ki pulit ki la ïathuh ba kawei ka longkmie ka la phah ka jingujor ba ha ka step jong ka 10 taik mynta u bnai, ka la shem ba u tnga jong ka u Bah Sensius Lyngdoh u la thiah ïap ha surok jong ka shnong Shngimawlein (SWKH).
Shuh shuh na ka liang ki pulit ki la ïathuh ba u Amit Harlalka jong ka Fancy Valley, Tura (WGH) u la phah ka jingujor ba ha ka 10 tarik mynta u bnai ha ka por kumba 6.30 janmied uwei u runar bym lah ban ithuh u la tuh ïa kawei ka mobile phone napoh ka dukan jong u.
Ha kawei pat ka jingjia, u Manish Harlalka uba na ka shnong Mankachar, Assam u la phah ka jingujor ba ha ka 31 tarik u Kyllalyngkot, 2025, u nongniah kali jong u, u Abdul Akher, u la phet krad ha ryngkat bad ka pisa T. 9 lak kaba la buh hapoh ka kali jong u bad kane ka la jia ha ka Shnong Beldarpara, Tura (WGH).
