Shillong, Jylliew 05: U President ka Bharatiya Janata Party (BJP) Meghalaya bah Ernest Mawrie hynne ka sngi Nyngkong, ula pynbna baka sorkar kala beh seng ïa u Chief Executive Member (CEM) ba rim ka Garo Hills Autonomous District Council (GHADC) u Boston Marak.
Kane ka jingbeh noh ia u Boston Marak kadei hadien baka Lokayukta kala Chargesheet halor ka jingkynnoh ba u don bynta haka kam bamsap.
“Kumba phi ïa tip baka BJP ka long pyrshah jur ïa kino kino ki kam bamsap bad hadien baka Lokayuta kala Chargesheet ïa u Boston Marak u ba dei ruh u CEM barim ka GHADC, kum u president ka Meghalaya BJP nga pynbna ba la behseng ïa u mardor” la ong u bah Ernest.
U bah Ernest ula pyntip ba u Boston u bat kum u president ka Schedule Tribe Morcha bad naka liang ka Party kala dep phah ïa kane ka mat sha ka Disciplinary Committee ba kan shim ïa ki sienjam pyrshah ïa u Boston Marak.
