Nongpoh, Nailur 26: Kawei ka kali maruti Van kaba don ia u number AS 01 BP 2426 mynta ka sngi kala Shah ban haka jingtwa khyndew haka shnong Patharkhmah bad don bok ha katei ka jingjia ym shym la don ba mynsaw.
Katkum ka jingtip bala ioh lum, Kane ka jingjia kala jia mynta ka janmiet haka por 3 baje eiei ha kaba katei ka kali ka dang ieng harud surok, hynrei kyndit kynsan ka khyndew ryngkat bad u dieng kala twa najrong surok bad ban beit ia katei ka kali haduh ba kan da julor phom.
La ong ruh haduh mynta ki paidbah ki dang ialeh ban pom iaki dieng ban weng na surok ban pynlait iaki kali ba leit ba wan khamtam ba dei ka sngi iew Patharkhmah
