Nongpoh, Nailur 22: Katto katne ki longiing haka shnong Pahamlang 17 mer ha Ri-Bhoi District kila hap ban mad ïaka jingeh kaba khraw naka jingshlei um, bad man ka por ba jur slap ki hap ban mad ïa katei ka jingeh haduh ba ka umsaw ka rung sha ki iing ki sem.
La ong ruh ba kadaw jong katei ka jingshlei um ka dei namar ka jingbym biang satia ki nala tuid um kaba la rit bad khim eh kaba la pynlong ïaka um ban lang bad dap, bad katkum ka jingkynnoh jong ki paidbah kila ong ba kadei naka jingtuid khyndew naduh bala shna ïaka Weight Bridge kaba la kah ïaka lynti ïaid jong ka um bad wanrah ïaka jingshlei um ha katei ka shnong.
Lah ruh ban kdew hangne ba kitei ki longiing ha katei ka shnong ki hap ban mad ïakajuh ka jingeh naka por shaka por tang shu poi u slap ba jur kaba la pynsyrtok shisha ïa ki katto katne ki longiing ha katei ka shnong.
Kila ong ruh ba haki por ba mynshuwa kam ju don ka jingshlei um hynrei naduh ba ieng katei ka weight bridge kila hap ban mad ïaka jingeh ha kaba kila kyrpad ïaki bor ba dei peit ba kin leh eiei ban lait na katei ka jingeh bad ka jingshlei um ba khah khah.
