Shillong, Nailur 22 : U Myntri ka tnad Animal Husbandry and Veterinary Department, Bah Sanbor Shullai u la phah ka jingsngewlem sha u Myntri Rangbah ka Assam, u Himanta Biswa Sarma halor ka jingkhlad noh shiteng por jong uwei na ki nongrwai ba pawnam ka Assam, u Zubeen Garg.
“Ka sap ba kyrpang ba u don ka la buh dak ïa ka rwai ka siaw ha ka ri hi baroh kawei. Lyngba ki jingrwai jong u, u pynïasoh ïa ki jylla jongngi bad wallam ruh ïa ka jinglong tylli ka thain shatei lam-mihngi jong ka Ri bad ha ka pyrthei shi tyllup. Ka Meghalaya ruh ka snohkti lang ban sngewlem bad ka Assam ha kane ka jingduh kaba khraw,” ong u Bah Sanbor Shullai ha ka kyrwoh sngewlem.
Shuh shuh u ong ruh ba ka sorkar jylla bad ki nongshong shnong hi baroh ki phah lang ïa ka jingsngewlem sha ki bahaiing hasem, ki paralok bad ki nongkyrshan jong u. U Myntri u la ong ruh ba ki jingrwai jong u ka la ai mynsiem bad pynshlur bun bha ki nongrwai na ka jylla Meghalaya, kiba la iam briew lang halor kane ka jingduh.
