Nongpoh, Naitung, 29: Kawei ka kali kit sohtrun kaba don ïa u number AS 01 RC 3621 ka la hap syndon sha pynthor kba hadien ba u nongñiah u pyrshang ban kiar ïa kawei ka kali kaba wan na khmat bad kaba pyndait daki light LED kiba thaba haduh ba u hap syndon ïalade sha pynthor kba ryngkat u sohtrun ba kit ha katei ka kali.
Kane ka jingjia ka la jia hynne ka step ka 29 tarik Naitung ha ka por kumba 2 baje eiei ha ka shnong Iewmawlong ha Nongpoh katba katei ka kali kit sohtrun ka dang mih na Marngar ban leit pynhap sohtrun sha Guwahati bad donbok ha katei ka jingjia u nongñiah bala tip kyrteng kum u Soleman Khan u la lait thaw na ka jingmynsaw lait noh tang ka jingjulor ka kali bad ka jingduh katto katne u kba ba dang shu dep thung.
Na ka liang ki pulit ka Nongpoh ki la leit mar mar sha katei ka jaka ban pynlong ka jingtohkit bad ban tan noh ïa katei ka kali.
