Shillong, Risaw 07: Ka Seng VPP mynta ka sngi ka la leit ïakynduh ïa u Commissioner and Secretary ka tnad Education u Vijay Mantri ha kaba ïadei bad ka jingeh jong ki Nonghikai College kaba la don mynta la katto katne snem. Ha kane ka jingleit na ka liang ka VPP la don lang u Bah Brighstarwell Marbañiang, MLA, Dr, Batskhem Myrboh, Nongaiktien ka Seng, Dr. Kara Shen, Vice President bad u Bah Danny Langstieh, Finance Secretary.
Haba ïakren bad ki nongthoh khubor u Bah Brighstarwell Marbañiang, MLA Mawlai, u la ong ba ha kaba ïadei bad ka Ph.D Advance Increment, La khmih lynti ba ki nonghikai kin leh research khnang ba kin dup noh synniang shibun ha kaba iadei bad ka pule ka puthi bad ka imlang ka sahlang. Katkum ki kyndon UGC haba ki nonghikai ki pyndep ia ka PhD ka don ruh ka jingiohnong namar ka jingtrei shitom ha kaba ki ïoh ïa ka Increment. Ha kine ki sngi kum kine mynta kim don shuh.
Halor ka Disburement of Death cum Retiremet Gratuity, ki nonghikai ha ki Govt. Aided Instiuttion mar syn shongthait ne don kiba khlad noh shiteng por ki ïoh ïa ka jingiarap 10 lak. Hynrei kaba pynlyngngoh ki don ki nonghikai ba la shongthiat 4-5 snem kim pat ioh. Sngewlyngngoh ba don ki nonghikai ba mar ia shongthait ki la ioh.
Balei ban ñiew shiliang khmat, ia kiba mon phi ai ia kiba phim mon phim ai. Kane ka dei ka mat kum u MLA nga la rah ha Ingdorbar. U CM naduh 2023 u la ong ban shimkhia hynrei ka dang long beit kumjuh bad ngi sngewba ka long kumka jingleh shiliang khmat bad ngi la iakren bad u Comm& Secy ban pynbeit mardor ia kane” la ong u Bah Bright.“U La iathuh ba la iakren ruh halor ka Disparity of Pay Scale. Ki don ki nonghikai haba ki joint service katkum ka UGC Pay Scale namarba ka dei ka UGC Sanction Post. Hynrei kaba sngewsih ka long ba ki don ki nonghikai kiba iathuh ba kim ioh ïa ka UGC Pay Scale hynrei ki ïoh da ka State Pay Scale.“Halor ka Age Restriction ha ka kam nonghikai, u Bah Marbaniang, u la ong ba lada phi pule bniah ïa ka Regulation jong ka UGC kam don age bar mano mano ruh ki lah ban rung sha ka kam hikai tangba ki dei ban long kiba biang.
Ka Sorkar jong ngi ka kren na ka bynta ban pynbha ïa ka pule ka dangle hynrei ka jingleh jong ki pat ka long markhongpong. Ki pyrkhing ïa ki nonghikai”, la ong u Bah Bright.
Haba ngi ïakren ïa ka kam nonghikai ha ka College Level ki don shibun ki qualification. School Level, HS Level bad kiwei kiwei ki don la ki jong ki qualifation hynrei ban long nonghikai ki don shibun ban pyndep bad ynda phi peit ki kwah ba ka Age Limit ki kwah ban wanrah lang katjuh, 37 snem ka bym lah ban pdiang.
Ka don ka Assam Aided Rule kaba dang pyntreikam ha kane ka jylla jong ngi haduh mynta ha kaba iadei bad ki Aided College hapoh ka jylla jong ngi ka bym kren eiei shaphang ka rta.““Ka jingwan jong ngi mynta ka long ban ym khanglad ïa ki khun samla kiba la pyndep ia ki jingpule kiba la pynshitom bad ynda la poi ka rta thepkam hynrei kane ka Rule kaba ki wanrah ka khanglad ia ki”, la ong ki nongialam ka VPP.“Ki don ruh ki nonghikai kiba la rung ïa ka kam tangba kim pat ioh ia ka confirmation bad ki dang don beit ha ka Probation period.
U MLA Mawlai u la ïathuh ba la ïakren ruh halor ka Advertisement ba la pyllait ha kine ki sngi ban sa pynlong ïa ki interview halor ki kam Asst. Professor ba iadei bad ka Physical Education. Kaba pynlyngngoh ka long ba ka DERT ka khot ia ki Expert napoh ka Sports Dept kaba ïaid pyrshah ïa ka regulation jong ka UGC. Haba phi ong ki expert phi donkam ban khot ia ki briew na ka University kiba don ia ka Required Qualification. “Ngi la pynsngew hakhmat u Comm & Secy ban pynbeit ia kine ki jingkulmar kiba don hapoh ka tnat pule puthi bad khamtam ia ki nonghikai kiba don hapoh ka College”.
