Jowai, Naitung 16: Ka Hynñiewtrep Integrated Territorial Organisation (HITO) mynta ka sngi hapoh ka jingïalam u General Secretary sengkmie u bah Wanbun N Dkhar bad u Lawyerson War kila leit ban ujor sha ka Meghalaya Human Right Commission halor ka ejahar kaba la buh naduh ka 5 tarik Naitung 2025 ban dawa khang noh ïaka Weight Bridge Cum-Forest Check point bad ïaka Ratacherra forest beat office jong ka Jaiñtia Hills Autonomous District Council.
Kum ban shu pynkynmaw ba ka seng kala buh ïakatei ka Ejahar pyrshah ïakitei ki khyrdop ka JHADC hadein bala ïoh ïaki jubab lyngba ka RTI kaba la kdew ba ka JHADC kam shem la aiti ne thung ïano ïano ban pynïaid ïa katei ki khyrdop bad sa kawei ruh ba kitei ki khyrdop kim shem la ïoh jingbit naka Ministry of Road Transport and Highway lane naka National Highway Authority of India ban buh ne shna ïa kino kino ki khyrdop ha ki National Highway.
Halor kane naka liang ka seng kala ujor sha ka human rights ban lap na kiei ki daw baka office u Superintendent of Police East Jaiñtia Hills District kam shem la leh eiei halor katei ka Ejahar kaba la dep ban ai naduh ka 5 tarik la pynkut ka kyrwoh.
