Shillong, Ïaiong 01 : Ka jingïalang jong ka Kynhun Myntri ha ka Sngi Balang ka la mynjur ïa ka rai ban pynhiar noh ïa ka khajna Value Added Tax na bynta ka compressed natural gas (CNG), na ka 14.5 persen sha ka 5 persen, ong u Myntri Rangbah ka Jylla Conrad K Sangma hadien ba la wai ka jingïalang jong ka kynhun Myntri.
U Myntri Rangbah u la ïathuh ruh ba kane ka sienjam ka long ban pynrung lang ïa ka Meghalaya ryngkat ryngkat bad kiwei ki jylla ban khring ïa ki kompeni heh bad kumjuh ki agency ban don ïa ki jaka treikam ha kane ka jylla.
“Ngi la pynhiar ïa ka VAT ha ka methan gas kum ka compressed natural gas (CNG) na ka 14.5 persen sha ka 5 persen kaba long ryngkat ryngkat bad kiwei ki jylla bad kane ka sienjam ka long ban don ka lad ban khring ïa ki agency bapher bapher ba kin wan ban pynieng ïa ki jaka treikam jong ki hangne,” ula ong.
