Sha ka 15 tarik Naitung la pynjlan ïa ka jingai jingmut halor ka Reservation Policy

Nongstoiñ, Jylliew, 28: U Chairman ka Expert Committee halor ka State Reservation Policy u Justice (Retired) Mool Chand Garg, u la pyntip sha baroh, ba katkum ka jingpyntip paidbah kaba la pynmih ha ka 2 tarik bad 22 tarik Jymmang 2024, ka Meghalaya ka sngewbha ban pyntip ba ka tarik kaba khatduh ban pynpoi ïa ki jingai jingmut, jingïasyllok, bad ki jingkyntoh halor ka State Reservation Policy jong ka Jylla Meghalaya, na ka bynta jong baroh kiba ju ïadon bynta lang la pynjlan shaduh ka 15 tarik Naitung 2024 bad yn ym pynjlan shuh hadien katei ka tarik kaba la buh. Ïa ka tarik ban pynlong ïa ka jingpynsngew paidbah halor ka Reservation Policy yn sa pyntip kumba la pynbna hashuwa.