Jowai, Nailur 30: Ka jingïakhun Semi Final ba ar haka kyrdan ‘Joybell Suiam Memorial Trophy 2nd Division Football League bala pynïaid da ka Thadlaskeiñ Sports Association (TSA) West Jaiñtia Hills kaba la long ha ka sngi Balang, 01 tarik u Risaw, 2025, ha madan Wahiajer Multi-Sports Complex.
Haba phai sha ka jingïakhun ka Bamkamar kala pynliem da 5-4 kol ïa ka Laru SC lyngba ka jingïashut Tie Breaker, hapoh ka por bala buh ka jingïakhun hapdeng kiba ki ar kynhuh kim shem la ïoh ban thep kol satia da kaba ïakhaid (0-0). Lyngba kane ka jingjop ka Bamkamar kala ïoh ban rung sha ka Final jong kane ka lynpung.
La pyntip ka jingïakhun jong ka kyrdan 1st Division lashai ka sngi 2 tarik u Risaw haka por 1 baje shiteng nohphai sngi kan long hapdeng ka Nongkhroh Mawsiang pyrshah ïaka Wahshangiar.
