Seisoh ka jingïakhih ka KSU ban dawa pynhiar dor ïa ki certificate ha MGU University, Byrnihat

Nongpoh, Nailur 23: Ka kynhun treikam ka Khasi Students Union lyngba ka shnat treikam hapoh ka Mahtma Gandhi University mynta ka sngi ki la pynlong syndon da ka jingïakhih hapoh katei ka University na ka bynta ban dawa pynhiar dor ïa ka jingoh dor heh ïa ki certificate ba bun ki samla pule na ka jylla ki la ud la nam sha ka KSU halor ka jingeh ohdor da katei ka University.
Kane ka jingïakhih kitei ki samla pule lyngba ka KSU ka dei halor ka jingheh palat ka dor na ka bynta ban ioh ïa ka Marksheet, Migration certificate, bad ka Provisional Certificate na ka bynta ki samla kiba la pyndep ïa ka jingpule na katei ka University bad la pynpaw ruh tang ban ioh ïa kitei ki certificate katei ka University ka la oh dor haduh T.28000/
Kum ki samla pule ki la pynpaw ka jingsngewkhia halor ka jingeh palat ka dor ban ioh ïa kitei ki certificate bad dei namar kane ka daw hadien ba la ujor da kiba bun ki samla, ki nongïalam ka KSU lyngba ka shnat treikam kaba don ha katei ka University ki la pynlong ïa ka jingïakhih ban dawa pynhiar dor na ka bynta kitei ki certificate.
Shuh shuh, ha kane ka jingïakhih lyngba ki nongïalam ka shnat treikam ka KSU hapoh katei ka University bad kane ka jingïakhih ka la seisoh ha kaba ha kaba khatduh ki bor pynïaid katei ka University ki la hap ban pynhiar ïa ka dor na ka T.28000/- sha ka T.8000/- kaba la long ka jingkyrkhu na ka bynta ki samla pule hapoh katei ka University kaba don ha Byrnihat, Ri Bhoi District.