Shillong, Naitung 18: Uwei u rangbah briew uba sah ha kawei ka shnong ha Shillong u la ujor ba ha ka 4 tarik mynta u bnai ha ka por kumba 5.45 janmiet, u la ïohpdiang ka jingshah phone, ha kaba utei u ba phone u la pynithuh ïalade ba u kyrteng Satish Kumar bad u la kam ruh ba u dei u Colonel ki shipai ka ri India.
La ïathuh ruh ba une u ba phone u la pyntip ïa utei uba ujor ba un sa phah ïa ki nongtrei sha Bawri Natralaya na ka bynta ban phah sumar ïa ka khmat bad u la phah ruh ïa kawei ka QR code, bad u la kyrpad ïa utei uba ujor ban scan ïa u QR code ban ïohpdiang ïa ka jingsiew pisa, ha kaba utei uba la ujor u la pdiang bad leh ïa kane ka jingbthah. Hynrei hadien ba la pyndep ïa kane ka kam u la shem ba ka pisa T. 15,350/- la shah sei tuh napoh ka Bank account jong u.
