Nongpoh, Nohprah 06: Ka party UDP mynta ka sngi kala pynskhem syndon da ki nongïalam ba thymmai jong ka Youth Wing ban pynkhlaiñ ïaka jingtrei jong ka party ha Ri-Bhoi shibynta ban pynkhreh ruh ïaka elekshon 2023 haka jingïalang kaba la long mynta ka sngi ha Nongpoh.
Ki nongkitkam ba thymmai jong ka UDP Youth Wing ki kynthup ïa u Bah Bah Balajied Rani MDC Nongpoh kum u Chief Adviser, Senior Adviser Bah Micheal Kharhunai, Adviser Bah Najim Kharmalki, Lastforius Marngar kum u President, Rojesh Lapang Working President, Juban Swer Vice President, Prosper Dorphang General Secretary, Rahul Makri Join Secretary, Assistant Secretary samla Sweety Mawphniang, Shanlang Ronghang, Robinson Umbah bad kiwei kiwei, bad ha ki la ioh ruh ban pynskhem ïaki samla kiba na kylleng jong ka Ri Bhoi kum ki dkhot ba pura jong ka UDP Ri-Bhoi Youth Wing.
Ïa kitei ki nongkitkam ba thymmai la pynskhem da u Bah Balajied Rani, Working President ka UDP ha Ri-Bhoi haka jingdonlang u Bah Tirot Sing Suchiang, Joint Secretary State UDP Youth Wings, Richard Syiem President ka Shillong City Youth Wings, Bah RR Makdoh Senior Adviser UDP Ri-Bhoi bad kiwei kiwei ki nongïalam jong ka party.
Kane ka jingjied thymmai ka UDP Ri Bhoi da ki nongïalam ba thymmai ka UDP Youth Wing ha Ri Bhoi, ka long sih bynta ban pynkhlaiñ ïa ka party bad ruh kum ka jingpynkhreh na ka bynta ka election 2023, ba ki samla kin trei bor bah na ka bynta ka jingjop jong ka party UDP ha Ri Bhoi District.
