Jowai, Nohprah 11: Mynta ka sngi ka 11 tarik u Nohprah, 2024 ka shnong Darrang Weat Jaiñtia Hills District ka la lum lah lang ïa baroh ki paitbah ka shnong ba la ïoh ïakawei ka sur ban sei da u khun samla ka shnong bad ha kane ka jingïalang lah don lang khrui naduh ki nongïalam shnong, ki riew rangbah ka shnong, ki long kmie bad ki khun samla ka shnong.
Ïakane ka jingïalang paitbah lah pynlong hapoh ka Hall ïing skul ka shnong, ha ka jingïalang lah ïa tai ïa thir bha da baroh kiba wan shim bynta bad shrip lah mih kawei ka rai ban sei hi da u khun ka shnong kata ïa u samla rangbah u Treiborlang R Suchen.
Ha kane ka jingïalang lah ïoh ïaka jingpynsgew bad ka jingkren na kiba bun balang ba lah ong ba lah dei ka por ban ïoh ïaki nongïalam ki ba lah ïoh jingshañiah lypa na u paitbah ban shakri ïa u paitbah ka thaiñ khamtam haka ba ïadei ban mihkhmat sha ka Dictrict Council namar u samla Treibor u la don lypa ha ka kam shakri ïaka jaitbynriew bad lah ong ruh ba u samla Treibor um dei shuh u ba dang thymmai ha kino kino ki kam ban ïarap ïaki paradoh parasnam bad ïaki para thaiñ bad um ju don ka ka jing niew shiliang ka thew shiliang ïano ïano bad u dei u samla u ba treimon sngewbha met la mynsiem ha ki kam jaitbynriew bad u samla ba shemphang.
Ki paitbah ka shnong Darrang ki kyrpad rit sha kiwei ki para marjan shnong bad khamtam ïaki para Constituency naka War West ban tylli bad jingkyrshan lang ïa u samla Treiborlang Raul Suchen.
