Sei ka MSKA ïa ka kynhun ban mihkhmat ha ka Seniors & Masters – Men/Women National Kickboxing C’ship

SHILLONG, Naitung 16: Ka Meghalaya State Kickboxing Association [MSKA] ka la jied ka la pynbna ba ka ladep ban jied ïa ki 16 ngut ki nongïalehkai Kick-boxing ki ban mihkhmat ïa ka Jylla sha ka Seniors & Masters – Men & Women National Kickboxing Championship – (All Events) ka ban long ha Chhattisgarh.
Kane ka lympung ka la sdang naduh ka 16 tarik Naitung haduh 20 tarik Naitung, 2025, bad la pynïaid da ka Kickboxing Association of Chhattisgarh ha Balbir Singh Juneja Indoor Stadium, Raipur Chhattisgarh hapoh ka jingpeit jong ka WAKO India Kickboxing Federation.
ïa kane ka Championship bad ki jingïalehkai yn pynïaid katkum ki kyndon jong ka WAKO (IF) Italy (HQ), bad ka WAKO India Kickboxing Federation.
Ka SOP (Standard Operating Procedure) kumba la pynmih da ka tnad ïalehkai jong ka Sorkar India, ka WAKO India kan hap ban bud na ka bynta ban pynlong ïa ka National Kickboxing Championship. Ka jingialehkai kickboxing ka dei ka jingïalehkai kaba la ithuh da ka International Olympic Committee (IOC).
Kane ka Championship kan long ruh ka rynsan ban jied ïa ka kynhun ïalehkai jong ka ri (National Team) na bynta ka Kickboxing khnang ba kin lah ban ïashim bynta ha ka World Championship, International Open Kickboxing Championship bad ka Asian Kickboxing Championship bad kiwei kiwei ki lympung ïalehkai bar ri.
Tad haduh mynta, ka jingkheiñ jong ki takma ba ka MSKA ka la ïoh ban khur naduh u Nailar 2017 haduh u bnai Jylliew 2025 ka long 90 tylli ki Ksiar, 66 tylli ki rupa bad 92 tylli ki rnong, kaba long 248 lada kynthup lang baroh.
Ka thup kyrteng jong ki 16 ngut ki nongïalehkai Kickboxer ki ban shim bynta ha kane ka lympung ki long:
Dipuline R Marak (K1 Rules – 75kg), Banisha Suiam (Light Contact-50kg), Nibarisa Iakai (Kick Light-45kg), Sweety Kumari Thakur (Light Contact-50kg), Kynsaimiki Soyoo (K1-63kg), Lumjingsuk Iawphniaw (Low Kick-51kg), Wallambok Nongsiej (Low Kick-60kg), Kularskhem Marngar (Low Kick-54kg), Sakibanshai Nongbri (K1 Rules-51kg), Daniella I W Mylliemngap (K1 Rules-60kg), Medariphylla L Nongbri (K1 Rules-56kg), Fourwell Khongmalai (Point Fighting Veteran-54kg), Fourwell Khongmalai (Kick Light Veteran-54kg), Adialmarphi Nongdhar (K1 Rules-51kg), Gregory Ferando Sohtun (Rules K1-67kg), Banpynshailang Laso (Low Kick-57kg).
ïa kane ka kynhun yn ïalam da u Khrawjutang M Kharsyntiew-License Coach ha ka Kickboxing.