Shillong, Rymphang 19: Ka Meghalaya Softball Association (MSA), ka la pynba ïa ka thup kyrteng jong ka kynhun ïalehkai Shynrang bad Kynthei ki ban leit ïashim bynta sha ka lympung ïalehkai jong ka 46th Senior National Championship 2025 ka ban sdang naduh 22 tarik haduh 26 tarik mynta u Rymphang 2025, ha Amravati, Maharashtra.
ïa ki nongïalehkai la jied na ki district bapher bapher, kum na East Khasi Hills, Ri-Bhoi, East Jaintia Hills, West Jaintia Hills, South West Khasi Hills, Eastern West Khasi Hills bad West Khasi Hills.
ïa ka kynhun jong ki shynrang yn ïalam da u Echwa Phawa (WJHD) kum u kapten, katba ka Riticia Nongbet (EKHD) kum ka kapten jong ka kynhun kynthei, u Bah Kitboklang Nongphlang bad ka Ibaphira Skhemlon kin long kum ki Team manager.
Ki kyrteng jon ki khynnah ïalehkai kiba la shah jied ban mihkhmat ïa ka jylla sha kane ka lympung ki long; na ka liang ki kynthei: Luiza Tamang-EKHD, Neha Hajong-EKHD, Riticia Nongbet-EKHD (Captain), Jerinda Kharshandy-EKHD, Larisha Phawa-WJHD, Fatima Dkhar-WJHD, Icyful Mary Lyngkhoi-WKHD, Rita Mary Iawphniaw-WKHD, Rosa Maslai-Ri Bhoi, Joytiful Narlong-Ri Bhoi, Joyfull shylla-EJHD, Ibajanai Wanniang-SWKHD, Kynshewlin Iawphniaw-SWKHD, Mrs Ibaphira Skhemlon. (Team Manager).
Naka liang ki shynrang: u Shongdor Shangpliang- EKHD, Kyntulang Phawa-EJHD, Wadphang Phawa-EJHD, Nangkiew Disiar-EKHD, Wankit Syiemlieh-EKHD, Krishna Thappa-EJHD, Shanlibor Rympeit-Ri Bhoi, Echwa Phawa WJHD (Captain), Breinning Star Thongni-EKHD, Donaldy Kharshandy-EKHD, Deibanshan Mylliem-SWKHD, Mewan Phawa-WJHD, Shemphang War-EWKHD, Kitboklang Nongphlang. (Team Manager.
Hashwa ba kine ki ar kynhun kin mih na la ka jong ka jylla, na ka liang jong ka synjuk ka la ïoh ban pynlong shuwa ïa ka jingïalang kitbok kitrwing bad ban ai ïa ki tien sneng tien khraw, kaba la pynlong ha Alelang Restaurant, Lower Lachumier. ïa kane ka jingïalang la pynïaid da ka Kong Ridahun Lyndem – Secretary ka MSA, ha ka jingïadon lang u President, u Dr Aman War.
Haba ïakren bad ki lad pathai khubor na ka liang jong ka Secretary ka MSA, ka kong Ridahun Lyndem, ka la pynkynmaw ba ïa ka softball, la sdang ban pynïalehkai nyngkong hapoh ka jylla ha u snem 2011, hynrei ar ne lai snem, ka la sdang ban jah noh.
Pynban ha ki khyndiat snem ba la dep, ka synjuk ka la trei shitom ban pynkhie im biang ha kaba ka la lah ban pynlong ïa ka 3rd State Championship, bad dei hangne ba la lap bad shem ba ki khynnah ïalehkai ki la pynpaw ïa ka dak ka jingkiew ka jong ki khamtam ha ka 4th State Championship ha u snem ba ladep, ba la sakhi ïa ka jingkiew sted ki khynnah ha kane ka jingïalehkai.
Lah ban kdew ba watla tang ha i por ba lyngkot la lah ban sakhi ïa ka jingkiew sted jong kane ka jingïalehkai bad da ka jingtrei shitom jong ka synjuk kaba la shimkhia ban leit ai jinghikai ïa ki khynnah sha ki District bapher bapher hapoh ka Jylla kum ha East Khasi Hills, Jaintia Hills bad ruh ha Ri-Bhoi District.
Ka Kong Rida ka la pynpaw ruh ïa ka jingsngew nguh na bynta ka Meghalaya State Olympic Association (MSOA) kaba la pdiang bad pynrung ïa kane ka jingïalehkai dang shen kum kawei na ki jingïalehki ha ka lympung jong ka Meghalaya Games.
Baroh ar kynhun, shynrang bad kynthei ki la ïaid lyngba ka prokram pynkhreh lane ka coaching camp shuwa ba kin leit ïakhun sha kane ka Championship ha Maharashtra, ïa kaba la sdang naduh ka 10 tarik haduh 14 tarik u Rymphang ha madan Malki hapoh ka jingpeitngor jong ka coach ka Kong Ridahunlin Lyndem.
