Sei ka MCA 12 ngut ki nongïalehkai Carrom ki ban leit ïa shim bynta sha ka Championship ha Madhya Pradesh

SHILLONG, Risaw 26: Ka Meghalaya Carrom Association ka la pynbna ïa ka kynhun ki khynnah ïalehkai Carrom kaba don 12 ngut ki ban mihkhmat ïa ka jylla sha ka 50th Junior National Carrom Championship 2025.
Kane ka Championship kaba saw sngi kan sdang naduh ka 01 Naiwieng, 2025 haduh ka 04 tarik Naiwieng, 2025, bad kan long ha Gwalior, Madhya pradesh.
Ki nongïashim bynta ki don 12 ngut kynthup ïa 5 ngut ki kynthei bad 7 ngut ki shynrang hapoh ka jingïalam jong u Bah Ferdinand Nongkynrih, (Secy, Official) nangta u Bah Banrapborlang Wahlang (vice President) Manager na bynta ki shynrang bad kynthei, ka Kong Anita kharkongor.
La pyntip ba ka kynhun kan mih na nongbah shillong ban leit ïakhun sha katei ka championship ha ka 30 u Risaw 2025.
Kane ka long katkum ka kyrwoh u General Secretary Bah Ferdinand Nongkynrih.