Nongpoh, Jymmang 06: Ka party HSPDP mynta ka sngi ka la pynbna paidbah syndon ïa ka kyrtong na Mawhati Constituency ïa ka Kong Iba Kharbani ka ban sa aireng na Mawhati Constituency ha kane ka election 2023 na Mawhati Constituency.
Na ka liang ka HSPDP ka la pynbna paidbah ruh ba ka Kong Iva Kharbani kan long ka kyrtong ka party ka dei ha ka jingïalang kaba la long mynta ka sngi ha ka shnong Umwiehsnieh ba hap ha Mawhati Constituency.
La sakhi ruh ha kane ka sngi ba da ki hajar ngut ki paidbah ki la tuid sha kane ka jingïalang ka HSPDP ha Umwiehsnieh ba ka party HSPDP ka la pynkhem bad pybna ba ka Kong Iva Kharbani kan long ka kyrtong ka ban aireng ha kane ka election ban sa wan jong u snem 2023 na Mawhati Constituency.
Nalor ki hajar ngut ki paidbah nongkyrshan kiba la wan ban shim bynta ha kane ka jingïalang, ha kane ka sngi la don ryngkat ruh u President ba rangbah ka HSPDP, u Bah P.K Pangnïang, u President ka HSPDP Ri Bhoi, u Bah P.B Sylliang, u Bah Khraw Marwein, Secretary ka HSPDP na Ri Bhoi bad kynthup kiwei kiwei ki nongïalam ka party na Ri Bhoi District.
Kiba bun ki Longkmie bad ki rangbah kynthup ruh ki samla ka Mawhati Constituency, ha kane ka sngi ba la pynban ïa ka Kong Iva Kharbani kum ka kyrtong ki la rai ban ai ka jingkyrshan na ka bynta ban pynjop ïa kane ka kyrtong ha ka election 2023 na Mawhati Constituency.
