Sei ka AMKA ïa ka kynhun kaba don 15 ngut ban ïakhun ha ka 69th SGFI U-14 Karate C’ship
SHILLONG, Nohprah 14: Ka All Meghalaya Karate Do Association [AMKA] ka sngew sarong ban pynbna ba ka kynhun kaba don 15 ngut ki nongïalehkai (shynrang bad kynthei) kan sa ïashim bynta ha ka lympung ïalehkai Karate kaba la tip da ka ‘69th School Games Federation of India Under-14 Karate Championship’ ha Indore, Madhya Pradesh.
ïa kane ka Championship la pynlong da ka Directorate of Public Instruction, Madhya Pradesh hapoh ka jingpeit jong ka School Games Federation of India (SGFI), bad ki jingïalehkai kin sdang naduh ka 14 tarik haduh 19 tarik Nohprah, 2025.
Kane ka jingïakob kaba hynriew sngi kan pynïasoh lang ïa ki nongïalehkai ba tbit tam jong ki skul na ki jylla bad ki unit bapher bapher hapoh ka SGFI ki ban ïakhun ban ïoh ïa ka jingithuh ha ka ri ha ka jingïalehkai karate.
La synran lang ïa ka kynhun ki nongïalehkai ka Jylla da u Bah Donboklang Lyngdoh, Mingson Rymbai, Barisha Kharbani, bad Sharai Nongneng Shanpru.
Na ka liang jong ka All Meghalaya Karate Do Association ka pynpaw ruh ïa ka jingsngewnguh ïa ka Directorate of Sports and Youth Affairs, jong ka Sorkar Meghalaya, kaba la ai ka jingkyrshan pisa bad ka kitbok kitrwiang ruh ïa ka kynhun ba kan nang ïaid shakhmat ha ki jingïakhun ha kane ka lympung.
Ki kyrteng jong ki nongïalehkai bad ki kyrdan ïakop ba kin ïakhun ki long:
1. Gapesa Mon-I Sten (-24kg kumite)
2. Nika-La-Ai-Me Shadap (-30kg kumite)
3. Fellysha Nongsiej (-34kg kumite)
4. Tatiana Nongsiej (-38kg kumite)
5. Aasthika Pradhan (-42kg kumite)
6. Hinam Kiman Lamin (-46kg kumite)
7. Adella Nongrum (-50kg kumite)
8. Ibalatyngkai L. Nongkynrih (+50kg kumite)
9. Dakitdorbha L Chyne (-30kg kumite)
10. Savio B Majaw (-35kg kumite)
11. Jovial Kharjana (-40kg kumite)
12. Fadrik Wanniang (-45kg kumite)
13. Aibor Jyrwa (-50kg kumite)
14. Precious Stone Mukhim (-55kg kumite)
15. Medonlang Nongkynrih (+60kg kumite)