Second Division 2025 jong ka WJDSA: Jop ka Lumbhahdakha Wahiajer bad ka Shangpung Khliehmuchut

Jowai, Nailur 24: Ka jingïalehkai phutbol bala pynïaid daka West Jaiñtia District Sports Association (WJDSA) kaba la long mynta ka sngi 24 tarik u Nailur haka kyrdan ‘8th Debo Shullai Memorial Trophy 2nd Division Football 2025 bala pynlong ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong ka Lumbhahdakha Wahiajer kala pynliem da 7-2 kol ïaka Umlangchor Mukhla, ïa ki kol na ka Lumbhahdakha Wahiajer la thep da u Agustin Mukhim haka minit ba 16, u Balajied Shylla haka minit ba 22 & 25, u Kamjuh Phawa haka minit ba 40+1, u Frankin Cense Shylla haka minit ba 52, u Bernard Suchiang haka minit ba 75 bad u Gideon Mukhim haka minit ba 77. Ïa ki ar kol na ka Umlangchor Mukhla la thep da u Jessper Shadap (own goal) haka minit ba 46 bad u Request Shylla haka minit ba 53.
Haka jingïakhun kaba ar ka Shangpung Khliehmuchut kala pynliem da 3-2 kol ïaka Mupliang SC, ïa ki kol na ka Shangpung Khliehmuchut la thep da u Banshanbor Lamare haka minit ba 19, u Shickil Langbang haka minit ba 36 bad u Teilang Langstamg haka minit ba 46. Katba ïa ki kol na ka Mupliang SC la thep da u Greatfull Sna haka minit ba 2 bad u Jeson Phawa haka minit ba 15.