Nongpoh, Jylliew 15: Ka Central Election Committee jong ka party HSPDP kaba la long haka 3 tarik mynta u bnai, kala shim ïaka rai ban sdang tyrwa ïaki ticket naka bynta ki kyrtong kiba kwah ban ïakhun naka party HSPDP haka elekshon sha ka iing dorbar thawaiñ ban long ha u 2023.
Haba phah ïaka kyrwoh naka liang u Bah PB Sylliang Secretary ka Central Election Committee jong ka party HSPDP u la pyntip ba kino kino kiba kwah ban ïakhun ïaka elekshon MLA ha u 2023, ki lah ban ioh ïaki Application Form naki Area Unit haki constituency jong ki, bad lada don ki constituency ki bym don kilah ban pyntip beit sha u President ka party u Bah KP Pangniang ban ioh pynbeit ïaki kyrteng jong ki kyrtong ki ban ïakhun haka elekshon lyngba ka jingmynjur da u President lane Secretary ka jong ka thaiñ bad ki area unit bad naka liang ki area unit kin sa phah patïaki form sha ki District Election Committee ba kin pynpoi pat sha ka Central Election Committee ban ioh pynbna paidbah haka rukom kaba dei ïaki kyrtong jong ka party.
Ha kaba ïadei bad ki constituency kiba don ka jingïaknieh ticket, ka Central Election Committee ka bthah ïa ki area unit jong kito ki constituency ban pyndonkam da ka article 37 jong ka riti treikam (constitution) jong ka party HSPDP.
