Shillong, Naiwieng, 18: U President jong ka Voice of the People Party u Bah Ardent M. Basaïawmoit uba long ruh u MLA jong ka Nongkrem ha ka sngi Baar u la aiti da ka jingthoh ha u Myntri Rangbah ka Jylla u Conrad Sangma, ban dawa ba dei ban thung da ka jingtohkit ba laitluid halor ka jingpyntreikam ïa ka MLA skhim hapoh ka jylla Meghalaya.
Ha ka shithi, u Bah Basaïawmoit u la ïaroh ïa ka jingsngewkhia jong u Myntri Rangbah ka Jylla halor ka jingpyndonkam ïa ki skhim jong ki MLA, khamtam ha ki Constituency ba la mihkhmat da ki dkhot ka liang pyrshah. U la ong, “Nga kyrshan ïa ka jingsngew jong phi ba ïa ki skhim jong ki MLA dei ban pyndonkam hok bad pyntreikam ruh ha ka rukom kaba shai.”
U Bah Basaïawmoit u la pynpaw ruh ba ka party jong u ka ladep phah da ka jingthoh sha ki MLA jong ka, da kaba banjur ïa ka jingdonkam ban pyntreikam ïa ki skhim ha ka rukom kaba khuid bad kaba shai.
U la ai jingmut ba dei ban thaw ïa ka jingtohkit kaba laitluid ban tohkit ïa ka jingpyntreikam ïa ki skhim jong ki MLA, kaba sdang naduh u snem 2008, ban sdang na ka 22-Nongkrem Constituency.
U la ai jingmut ruh ba dei ban thaw ïa ka jingtohkit ba laitluid halor ka jingpyntreikam ïa ka MLA skhim, da kaba sdang naduh u snem 2008 na 22-Nongkrem Constituency.
“Ngi kyrpad da ka jingsngewrit ïa phi ba phin pyrkhat khia bha ïa kane ka kam, khnang ba ki paidbah ka Jylla kin kham tip ïa kane ka mat baroh kawei,” la thoh u Bah Basaïawmoit.
