Sdang sam ka West Jaiñtia Hills Taxi Owner Driver Association ïa ki Sticker ki kali kamai Taxi ha Jowai

Jowai, Naitung 17: Ka seng ki nongñiah kali kamai hapoh ka lama jong ka West Jaiñtia Hills Taxi Owner Driver Association (WJHTODA) mynta ka sngi Saitjaiñ 16 tarik ka la sdang ban sam ïa ki Sticker ban tah ha ki kali kamai (Jowai Region) bad kane ka jingsam sticker kan kut haduh ka 2 tarik u Nailar 2022.
La ïathuh da ka Public Secretary ka seng u ma Darimitre Lakiang ba ka dor jong ki sticker ka long T.500 tyngka, hynrei na ka bynta kito ki kali kiba dang shu dep Register thymmai kan long T.1000 tyngka.
Ha ka juh ka por la pyntip shi bynta na ka jingmyntoi jong ki nongñiah kali kamai ban ïoh jingïarap na ka sorkar kmie lyngba ka tnad Ministry of Labour and Employment, ka seng ka kyntu jur ban pynrung kyrteng noh hapoh ka E-Shram.
Ban ïoh jingïarap na kane ka E-Shram kin hap ban pynrung kyrteng shwa da kaba rah lang ïa ki kot donkam kum ka Adhar Card, Bank Account bad Phone Number, kiba don naduh ka 16 snem haduh ka 59 snem ka rta.
Lyngba kane ka skim na ka sorkar lah ban ïoh jingïarap haduh 2 lak tyngka lada jia ba khlad na ka jingjia aksiden, hynrei lada u dang lah ban trei bad thut noh na ka jingduna ha ka bor met yn ïoh 1 lak tyngka.