Shillong, Jylliew 12: Ka lympung ïalehkai kynjatbol jong ki kynthei ba la pynïaid ka Riwar Mihngi Sports Association (RMSA) ka la sdang ha kane ka sngi Saitjain ha madan ka ophis Block Pynursla.
Ha kane ka jingïalehkai la ïashim bynta kumba 13 tylli ki kynhun ïalehkai na ka thaiñ Riwar. Ha ka jingïalehkai ka sngi sdang, ka Nongmadan ka la pylliem ïa ka Arizen FC Umsyiem, ka Wahlyngkhat ka la pyliem ïa ka Laitsohphie, ka Lapalang ka la jop ïa ka NTSCO, Nongjri, ka Mawlam ka pylliem ïa ka ka SSCL Lyngkyrdem bad ki thei ka Nongtyngur kila jop pyrshah ïa ka Laitmynrieng.
La plie ïa ka jingïalehkai da u bah Edmund Khongngai, uba dei ruh u President ka RMSA ha ka jingdon lang kiwei ki nongïalam ka seng bad ki nongïalehkai bad kiwei.
