Jowai, ïaïong 15: Ïa ka lympung ïalehkai Under-16 Boys Inter District Cricket Tournament 2025 (Zone-1) kaba la pynïaid da ka M.C.A ha Madan Thad, Mukhla Mission, West Jaiñtia Hills kaba la sdang ha ka sngi Ba ar (15 tarik u Ïaïong), ha kaba ka Eastern West Khasi Hills District Cricket Association kala jop da 9 wickets ïa ka West Jaiñtia Hill DCA.
Ha kane jingïalehkai kaba nyngkong hapdeng ka West Jaiñtia Hills DCA pyrshah ïaka Eastern West Khasi Hills DCA, ïaka jingkynting toss la jop daka West Jaiñtia Hills DCA kaba la kam trai ban tied shuwa bad kala kamai tang 30 runs da kaba duh noh ïa baroh ki 10 wickets hapoh ka 16 overs na ki 47 over bala buh.
Ha ba poi ka pali jong ka Eastern West Khasi Hills DCA ban beh ïaka thong ka la lah ban ïoh 31 runs da kaba duh tang 1 wickets haka 11.2 overs.
La pyntip ka jingïalehkai lashai ka sngi ka 16/04/2025 kan long hapdeng ka Shillong Cricket Association-A (SCA ‘A’) pyrshah ïa ka West Khasi Hills DCA naduh ka por 8 baje mynstep.
Ïaka digital live scoring jong kane ka league lah ban peit ha :https://crichero.es/apps/mca under 16 boys Inter District Tournament, 2025.
