SHILLONG, Naitung 13: Ka Shooting Association of Meghalaya ha ka sngi u Blei ka la ïathuh ba ka la ïoh ban pynlong ïa ki rynsan pyrshang ïakop siat ban lap ïa ki sap ba kynsai tam na ka jylla, kaba dang pynkhreh ban pynlong ïa ka National Games 2027.
Ka 39th National Games, ka lympung ïalehkai kaba heh tam hapoh ka ri, kan sa long ha Shillong ha ka sien kaba nyngkong, ha kaba ka Jylla Meghalaya kan pynïasoh lang ïa ki nongïalehkai ba kynsai tam ha ki jait jingïalehkai bapher bapher na kylleng ka ri.
Ïa kine ki trial la pynlong ha ki bynta bapher bapher ha ka sngi Saitjaiñ, ha kaba ki nongïashim bynta na Ri Bhoi, Jaiñtia Hills, bad East Khasi Hills District ki la wan ïashim bynta ha ki kyrdan ïakop siat suloi bapher bapher, kynthup ïa ka 10m, 25m, 50m, bad 50m Rifle Prone events.
Ha ka sngi U Blei, ki nongïakop siat na West Garo Hills bad North Garo Hills ki la wan shim bynta ha kane ka Trial. Ki nongiashim bynta ki long naduh ka rta kaba 13 snem haduh 50 snem.
