Sdang ka lympung 2nd Division “7th U Debo Shullai Memorial Trophy” ka WJDSA

Jowai, Nailar 21: Ka lympung ïalehkai phutbol bala tip kum ka “7th U Debo Shullai Memorial Trophy” jong ka kyrdan 2nd Division Football Tournament 2024 bala pynïaid daka West Jaiñtia District Sports Association (WJDSA) Jowai, kala sdang mynta ka sngi 21 tarik u Nailar ha madan Kiang Nangbah Stadium Dongmihsngi, Jowai.
Ha ka jingïakhun kaba nyngkong ka kynhun ïalehkai jong ka Nangbah Dukhu kala pynliem da 3-1 kol.
Ka Madan Kynsaw Mookyndeng ka la ïoh ban pynkhihjar nyngkong lyngba u Nangbah Dukhu tang hadien 3 minit ba la ïaid ka por, nangta bud sa ka kol na u Shanlang Thubru haka minit ba 46 bad u Rimi oo Susngi haka minit ba 49. Katba ka Madan Kynsaw Mookyndeng ka la ïoh ban pynphai shi kol na u Dangri Phawa haka minit ba 59.
Ha ka jingïakhun kaba ar, la sakhi ïa ka kynhun ïalehkai jong ka Caroline Colony kaba la lah ban pynliem noh da 2-0 kol ïa ka Mupliang.
Ka Caroline Colony ka la ïoh ban lamkhmat nyngkong ha ka minit ba 3 bad nangta ka kol kaba ar ka la urlong ha ka 63 minit jong ka kylla miet. ïa kine baroh ar kol la thep da u Gabrial Lakashiang kaba la pynthikna namjop ïa ka kynhun.