Jowai, Lber 21: Ka Lehñiam ‘Rongkhli’ kaba lai sngi lynter ba la pynlong da ka Kur Pohsnem bad ka Raid Nongtalang ka la sdang mynta ka sngi Thohdieng 21 tarik bad kan kut haka 23 tarik u Lber, 2025 jong ka sngi U Blei hapoh ka shnong Nongtalang West Jaiñtia Hills District.
Ka jinglehñiam mynta ka sngi kaba ki khot ka “Niam tymmet Khli” ka la long kaba ishong kun bha ha ryngkat ka shad ka kmen bad ka jingrisa da ka jingwan ïa shim bynta ki khun ka Raij bad ki nongïalam ñiam wat hapdeng ka jingdon jong u slap, na ka liang u MLA ka thaiñ ma Lahkmen Rymbui ula wan ban sakhi lang ïa kane ka sngi nyngkong.
Lashai ka sngi 22 tarik kan don ka Niam Rongkhli naduh ka por 8 shiteng mynstep, katba ha ka por 5 baje janmiet kan don ka Shad Kynthei (Kelang).
La ïathuh ba ka jinglehñiam ‘Rongkhli’ kadei kawei na ki riti dustur jong ka Raid Nongtalang, ïa ka jinglehñiam Rongkhli kaba khadduh ka long ha u snem 2012 bad mynta u snem 2025 ka Kur Pohsnem bad ka Raid Nongtalang ki la lah ban pynlong biang ïa kane ka lehñiam jong ki long shwa man shwa jong ka thaiñ War Jaiñtia.
