Shillong, Risaw 14: Ka Kyrphei Sport and Cultural Club (KS&CC) ka lah ïoh ban pynlong sa shisien ka lah ïoh bïang ban pynlong ïa ka Kyrphei Intra Football ha ka wat kaba Saw, ïa kane ka lympung la ïashimbynta da ki 4 tylli ki Football Club kiba don ha ki saw tylli ki dong jong ka shnong Kyrphei, kiba kynthup ïa ka Chi-KYR-ton FC, ka Tyllinglang FC, Khurnaphang FC bad ka Tynrah FC.
La ïoh ban plie pyrda ïa kane ka tournament ha ka 12 tarik (sngi Saitjaiñ) mynta u Risaw, 2024 da u Ronstar Jaba kum u kongsan bad Diostar Jaba kum u symbud kongsan.
Lah ïoh ruh ban ïalam ka jingïalang plie pyrda da u Fleckstar Rynjah President Kyrphei Sport and Cultural Club bad la ïoh jingkren na ki lai ngut. Nangta bud sa ka jingkren nyngkong na u Secretary Shnong Kyrphei bah W.S Umdor ba la kyntu ïa ka Sport club bad pynshlur ban pynlong kum kine ki Jingïalehkai ha shnong ban khie im ka Sport Club.
La ïoh jingkren na u Symbud Kongsan u Samla Diostar Jaba u ba la kyntu ïa ki samla bad ïalehkai bha bad ban kïar na jingdih sniew bad u la kyntu ïa ki player ba kin pynlong smat ha ka sport.
Kaba Khatduh la ïoh jingkren na U Kongsan U Samla Ronstar Jaba uba la pyrto ruh ïa Kyrphei Sport and Cultural Club ïa ka Jinglah ban pynlong ïa kum kine ki tournament ha shnong kane ka ïarap ïa ki samla ban pynduna ïa ki jingmlien ba sniew, u lah kyntu ruh ïa ki players ba kin lehkai bha bad smat ban practice bha man ka sngi namar ka Sport kadei kaba la ai ja mynta bad ka lah dei ka wei ka lad kamai ban bsa ka.
U la pynrap ruh ba ki players ki dei ban kïar na kyïad l, u drugs, u duma bad baroh ki jingbam jingdih ba sniew. U la kitbot ruh ïa ki players bad ïa ki nongpynïaid sport Club, la plie ïa ka tournament da kaba kynjat ïa ka ball sha madan da u Kongsan.
Ka Jingïakhun kaba sdang ne ka opening match ha kane ka sngi ka long hapdeng ka Chi-KYT-Ton FC bad ka Tynrah FC ha kaba ka Chi-KYR-Ton FC ka la ïoh ban jop da kaba pynliem 3 – 0 ïa Ka Tynrah FC.
ïa ka goal kaba nyngkong la thep da u Apborlang Rynjah ha ka minit kaba 21, ïa ka goal ba ar la thep da u Balashemphang Rynjah ha ka Minit kaba 40 bad ïa ka goal kaba lai la thep da u Bidington Lyngdoh.
