SHILLONG, Naitung 25: Ka lympung ïalehkai phutbol kyrdan Third Division 2024 ba la pynïaid da ka Shillong Sports Association ka la sdang hynne ka Sngi Palei, ha SSA Ground, Polo.
La plie pyrda ïa ka jingïakhun kaba nyngkong ha kane ka kyrdan hapdeng ka Kharang SC pyrshah ïa ka Nongumlong SC, ba la sdang ha ka por 4 baje nohphaisngi.
Related Posts
Ha ka jingïalehkai ka Kharang SC ka la ïoh ban khur pura ïa ki lai point hadien ba ka la lah ban pynliem noh da 2 kol ïa ka liang pyrshah.
Ka namtam ha kane ka jingïalehkai ka la leit sha u Jospal Kurbah u ba la ai mynsiem ïa ka kynhun da kaba pynkhih ïa baroh kitei ki ar kol ha ka 10 jong ka kylla step bad 50 minit kaba ar ha ka kylla miet ban pynthikna ïa ka namjop.
Ka jingïalehkai 3rd Division mynta ka sngi kan long hapdeng ka Lapalang SC ka ban aireng pyrshah ïa ka Nongmensong SC ha ka por 4 baje nohphaisngi, ha SSA Ground, Polo.