Shillong, Naitung 31: Ka jingshalan ïa u dewïong ba la tih katkum ka jingstad saïan na Meghalaya ka la sdang ha ka sngi Palei.
Kumba 5 tylli ki trok ki la kit ïa u dewïong ba la tih da ka stad saïan ba la kit na Pahamlang Sales Depot ha Ri Bhoi district sha ki bynta bapher bapher jong ka ri.
Une u dewïong u dei uba la sdang tih na Saryngkham A kaba ha East Jaiñtia Hills, ha kaba u Bah Dapmain Shylla u la long u nongshim wai.
Katkum ka jingïathuh u Commissioner & Secretary u Vijay Mantri, u la ong ba ka jingkit ïa u dewïong ka la long kaba ïaid beit khlem da don ki jingshah pynthut ha ka lynti ba ïaid.
Kine ki trok ki la kit ïa u dewïong da ka jingrah lang ba ki kot ki sla kiba long katkum ka aiñ ba la ai da ka sorkar Meghalaya, kaba pynsuk ïa ka jingïaid lynti jong ki sha kiwei pat ki jylla.
