Shillong, Nohprah 15: U Nongkren ba pawnam ha ka pyrthei bad uba lah ban khring ïa kiba bun, u Munawar Zama u la sdang ïa ka jingwan jngoh jong u sha Meghalaya, kaba pynpaw ïa ka jinglong kongsan jong ka pule puthi ka ban lam sha ka roi ka kiew bad kumjuh ruh kaba pynkupbor ïa ki samla jong kane ka thaiñ.
Ha shwa ba un ai ka jingkren lamphang hapoh ka grand Islamic conference, ïa u Zama la pdiang sngewbha kyrpang ha Guwahati Airport, ha kaba la leh burom da ka Lama lai rong jong ka ri, da u MLA ka Meghalaya MLA Dr. Mizanur Rahman Kazi.
“Ka bynta ba kongsan jong ka pule puthi, ka bor jong ka burom ka akor, ka jingkiew ka jinglong briew, ka jingpyrkhat ïa ki kam ki jam bad ka jingkdew lynti kaba dei na ka bynta ki samla kaba long kaba kongsan,” banjur u Zama ha ka jingïakren bad ki khynnah ka Bhaitbari Higher Secondary School, Rajabala.
“Ka nongrim jong ka dor ka pule puthi ka neh kum ka pdeng jong ka jingtei ïa ka ri bad ka jingïalong kawei ha ka imlang sahlang,” u la bynrap.
Ïa kane ka jingïalang la buh ba kan long ha ka 16 tarik mynta u bnai, 2025, ha Jamiul Uloom Rahmania Madrassa, Chibinang, bad la khmih lynti ba yn wan shim bynta da kiba bun byllien ki paidbah, ha kaba u dkhot barim ka Parliament u Maulana Badruddin Ajmal un donlang kum u kongsan.
U Zama u la pynbna ïa ki jingpyrkhat jong u ban wanphai biang ha kane ka thaiñ ha ka 27 tarik u Kyllalyngkot u snem ban wan ban ai ki jingkren kiba khring na ka bynta ki kynhun jaitbynriew bapher bapher, da kaba pynskhem ïalade ban pynkupbor ïa ki samla bad ban pynsngewthuh ruh halor ka jingkongsan ka pule puthi.
